8 Marsi

/Arlind Qori/

8 Marsi nuk është dita e koketave, borgjezkave a madamave.
As e jozefinave, monikave, artave.
Është e rozave, aleksandrave, margaritave.
8 Marsi nuk ka të bëjë me shpërndarjen e barabartë të posteve drejtuese.
As me mundësinë e barabartë për të shfrytëzuar/dhunuar tjetrin.
8 Marsi nuk është dita e qaramaneve se pse s’po ua var burri.
As e dashnoreve të përkëdhelura.
8 Marsi nuk është dita kur gruaja respektohet si nënë.
Por dita kur gruaja e ka në dorë nëse do të bëhet nënë.
Kur do, t’i garantohet shtrati e përkujdesja falas spitalore e më pas.
Kur s’do të mos ia çajë kush veshët pse nuk do.
E aq më pak ta ndalë së bëri çfarë do me trupin e saj.
8 Marsi është dita e punëtoreve, rrobaqepëseve, shitëseve të byrekut.
Është kumti i tyre për emancipim gjinor e klasor.
S’është thjesht kërkesa për t’u shfrytëzuar njëlloj me minatorin e metalurgun.
Por vullneti për të përmbysur së bashku hierarkinë klasore.
S’është veç dita kundër dhunës së burrit pijanec.
Por dita e luftës në të gjitha vendshfaqjeve të dhunës, nga fabrika në shkollë.
8 Marsi nuk është dita e gruas së ndershme.
Por e mospasjes turp me qenë grua.
8 Marsi është dita e proletareve të dyfishta, në punë e shtëpi.
Është dita e proletareve të njëfishta, se në punë është turp me shku.
E ca më keq, se punë s’ka edhe kur do.
8 Marsi është klithma që kërkon shkollë.

Është dita e studentes së periferisë, ngadhënjyese në kushte mjerane.
Nuk është veç dita e barazisë gjinore.
Por e barazisë së gjithanshme, edhe gjinore.
Lulet, sidomos mimozat, i hanë gomarët.
Është dita për të ngritur grushtin.
Për veten dhe mbarë shoqërinë.

Ky artikull është botuar nën licensën CCA 4.0 (Creative Commons Attribution 4.0 International License).

Lexojmë dhe shpërndajmë!
error

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.