Ishte a s’ishte 15 vjeç

/Αντίποινα & Social Waste (ft Manu Chao, DJ Magnum)/

 

Ishte a s’ ishte 15 vjeç

thonë se e quanin Berkin¹.

Ra në agim afër orës 5:00

dhe ishte vëlla nga anët e Nazimit.²

 

E vrau policia e atjeshme

ta mbash mend emrin e Berkin Elvanit.

Motra e shtetit ka qenë gjithmonë dhuna,

n’daç e nisin tanët, n’daç Erdogani.

 

A të kishin thënë edhe ty në shkollë

se armiku është përkarshi detit Egje?

Qelbet nacionalizëm ky stan delesh

qoftë turk, a qoftë grek po deshe.

 

Nëpër qitapet e tyre kurrë nuk e futën

këtë sistem që na mbyt si lak.

Na kategorizuan dhe na ndanë

skllevër të jenë shumë dhe pronarë pak.

 

Nëse të qëllon të takosh Aleksin³

thuaji se nuk vdiq për ne, se rron.

Dhe që kardesimsin⁴ -kjo është fjala korrekte-

nga sheshi Sintagma⁵ deri në Gezi⁶ vlon.

 

Ishte a s’ishte 15 vjeç

thonë se e quanin Berkin.

Ishte a s’ishte 15 vjeç

dhe ishte vëlla nga vendi i Nazimit.

Ishte a s’ishte 15 vjeç

e vrau policia e atjeshme .

Ishte s’ishte 15 vjeç

Motra e shtetit ka qenë gjithmonë dhuna.

 

Dhe nëse qëllon të takosh dhe Pavlon⁷

t’i flasësh, është një miku im i vjetër.

Dhe nëse ka fashistë edhe atje lart,

të mos kesh frikë, se do të të mbrojë ai (jo tjetër).

 

Sonte mbrëma digjen brigjet e Bosforit

marinarët lotojnë ndërkohë që kalojnë varka.

Te zaret shekullore të Zotit dhe të Shejtanit

përsëri na luajtën dhe hodhën dopio-katra.

 

Nga Ankaraja më sot erdhën haberet

se METU⁸ ka zbritur në rrugët e Turqisë.

Nuk trembet më rinia nga pushteti

as nga armët e policisë dhe ushtrisë.

 

Me disa fjalë që i kemi të përbashkëta

të shkruaj sonte që shihemi në sy.

Që t’i bashkojmë përfundimisht zërat tanë

që të fillojmë të kuptohemi unë e ti.

 

Brenda në gotë kam raki dhe serefe⁹

cigare e rëndë dhe hiri e mbush një tavëll.

Na plagosën rëndë sonte o vëlla

sonte e vranë një vëllain tim të vogël.

 

Ishte a s’ishte 15 vjeç

thonë se e quanin Berkin…

E përktheu Flori Qyqja

Shënime:

1. Bëhet fjalë për 15-vjeçarin Berkin Elvan i cili u vra në Stamboll në qershorin e vitit 2013, kur e goditi në kokë një granatë lotsjellëse e policisë. Berkini kishte dalë të blinte bukë.
2. Nazim Hikmet.
3. Bëhet fjalë për 15-vjeçarin Aleksis Grigoropulos i cili u vra nga plumbi i një polici në zonën Eksarhia të Athinës. Revolta e dhjetorit të 2008 u nis për shkak të vrasjen e tij.
4. Kardesimsin: turqisht “ti je vëllai im”.
5. Në sheshin Sintagma ndodhet parlamenti grek dhe zhvillohen zakonisht protestat.
6. Nga mbrojtja e parkut Gezi në Stamboll në vitin 2013, nga Erdogani që donte ta kthente në beton dhe pallate, protestat u përhapën në gjithë Turqinë.
7. Bëhet fjalë për Pavlo Fisasin, raperin antifashist që u vra nga Agimi i Artë në shtatorin e 2013 në Athinë.
8. Universiteti Politeknik i Ankarasë nga i cili nisin shpeshherë protesta.
9. Serefe: turqisht “gëzuar”.

Imazhi: ManuChao.net

Ky artikull është botuar nën licensën CCA 4.0 (Creative Commons Attribution 4.0 International License).